నాగులచవితి అయినా, నాగపంచమి అయినా, సుబ్రమణ్య షష్టి అయినా సూక్ష్మార్ధము సంతన వృద్ధి, వారి శ్రేయస్సుకోసమే.

నాగులచవితి అయినా, నాగపంచమి అయినా, సుబ్రమణ్య షష్టి అయినా సూక్ష్మార్ధము సంతన వృద్ధి, వారి శ్రేయస్సుకోసమే.  నాగులచవితి నాటి ఆరాధన ద్వారా పిల్లలు పెద్దలు అందరి  రక్షణకోసం ఆరోజు నాగేంద్రుడిని అరాధిస్తారు. నాగ పంచమి గరుడ పంచమి ఒక్కటే ,సంతానానికి సంబంధించిన పూజలలో ఇది ముఖ్యమైనది. లేనివారికి ప్రసాదించడం ఉన్నవారి సంతానము అన్నిరకములుగా వృద్ధిలోకి రావడానికి ఈ నాగపంచమి రోజున సుపర్నోపాఖ్యాన వృత్తాంతపూర్వక వ్రత విధానము ద్వారా ఈ రోజు నాగులను ఆరాధిస్తారు. ఆవుపేడతో ద్వారానికిరువైపులా సర్పాక్రుతులు చేసి ఈ పూజను మొదలుపెట్టాలి. ఈ పూజావిధానము ద్వారా సర్పదోషములను నివారించి వాటి రక్షణను పొందగలము. దాదాపు 81 కధలు ఈ నాగపంచమికి అనుసంధానింపబడి ఉన్నట్టు పురాణాలద్వారా తెలుస్తోంది.ఆదిశేషువు విష్ణువుకి తల్పముగాను,వాసుకి ఈశ్వరునికి కంఠాభరణముగాను,సుబ్రమణ్యుడు  దేవసేనను పత్నిగా స్వీకరించినరోజు ఈ పంచమి తిధినాడే.అందుకనే సర్పములకు ఈరోజు అత్యంత ప్రీతిపాత్రము.